കോഴിക്കോട് പന്തീരാങ്കാവില്‍ യുവതിയെ കൂട്ട ബലാത്സംഗത്തിനു ഇരയാക്കിയതായി പരാതി.
കോഴിക്കോട്ടെ ഒരു സ്വകാര്യ ഫ്ളാറ്റില്‍ വെച്ച് തന്നെ കൂട്ടബലാല്‍സംഗത്തിനിരയാക്കിയെന്ന് കാണിച്ച് മൂന്ന് ദിവസം മുന്‍പാണ് യുവതി പന്തീരാങ്കാവ് പോലീസില്‍ പരാതി നല്‍കിയത്.
ജ്യൂസില്‍ മയക്കുമരുന്ന് നല്‍കിയായിരുന്നു പീഡനമെന്നാണ് പരാതിയില്‍ പറയുന്നത്. ഫറോക്ക് എസിപിയ്ക്കാണ് അന്വേഷണ ചുമതല.
സംഭവത്തില്‍ മൂന്നുപേരെ പോലീസ് കസ്റ്റഡിയില്‍ എടുത്തിട്ടുണ്ട്. നാല് പേര്‍ പീഡിപ്പിച്ചുവെന്നാണ് പരാതിയിലുള്ളത്. ഒരാള്‍ ഒളിവിലാണ്.
പെണ്‍കുട്ടിയുമായി നേരത്തെ തന്നെ പരിചയം ഉള്ള ആളുകളാണ് കസ്റ്റഡിയില്‍ ഉള്ളതെന്നാണ് പോലീസ് പറയുന്നത്.
